პროექტის პორტფოლიო

 მეცხრე დღეს მოვახდინეთ პროექტის სრულყოფა. შესწორებები შევიტანეთ პორტფოლიოს ყველა საქაღალდეში. დავლინკეთ და ავტვირთეთ ჩვენი პროექტის პორტფოლიოები ბლოგზე. შემდეგ კი      გავაკეთეთ პრეზენტაცია.

      ინტელის ტრენინგზე ჩემთვის მნიშვნელოვანი და ახალი იყო ძალიან ბევრი. მიუხედავად იმისა, აქტიურად ვესწრები სხვადასხვა ტრენინგს, ვცდილობ არ ჩამოვრჩე სიახლეებს და ფეხი ავუწყო თანამედროვეობას, ბევრი რამ ვისწავლე და დავხვეწე. ვისწავლე სასწავლო პროექტების გეგმებზე, ბროშურაზე, ელექტრონულ გაზეთზე და შაბლონებზე მუშაობა, დავხვეწე ელ. ფოსტაზე და ბლოგზე   მუშაობა. მიღებული ცოდნა და უნარ-ჩვევები დამეხმარება მომავალში უფრო სრულყოფილი პროექტის დაგეგმასა და განხორციელებაში.  გამოცდილება მართლაც რომ ფასდაუდებელი აღმოჩნდა ჩემთვის.        კურსი იყო მთლიანად ორიენტირებული მასწავლებელთა დახელოვნებაზე, კვალიფიკაციის ამაღლებაზე.

       ტრენინგში მონაწილეობამ მომცა სტიმული და გამიზარდა ახალი იდეების, ინოვაციების განხორცი  ელების მოტივაცია. აუცილებლად გამოვიყენებ ტრენინგზე ათვისებულ სიახლეებს სასწავლო პროცესში.                                                                                                                                          

კოლეგებს შევთავაზებ ჩემ მიერ შეძენილი ცოდნისა და უნარების გაზიარებას კონსულტაციის სახით და დავარწმუნებ, რომ ეს სიახლე დადებითად იმოქმედებს მოსწავლეთა სასწავლო პროცესში ჩართულობაზე.

ტრენინგის ეს მოდული იყო ნაყოფიერი, დატვირთული სხვადასხვა აქტივობებით, რომლის დაძლევაშიც დიდ დახმარებას გვიწევდა ჩვენი ტრენერი ირინა მარკოზაშვილი, რომელიც ძალისხმევას არ იშურებდა. რისთვისაც დიდ მადლობას ვუხდი ამ დიდი თანადგომისა და დახმარებისათვის.
       ჩემს კოლეგებს ვუსურვებ წარმატებებს!

დღევანდელი დღეც ძალზედ საინტერესო და ნაყოფიერი იყო. ბევრი საინტერესო სამ შევისწავლეთ პროექტის შექმნასთან დაკავშირებით. შევისწავლე თუ როგორ უნდა შექმნან მოსწავლეებმა პროექტის პრეზენტაცია, შაბლონები, დაკვირვების ჩეკლისტები, კვლევის ცხრილები.

დღევანდელი თემა იყო საინტერესო და დატვირთული, რადგანაც დავინახე და გავიაზრე კოლეგის უკუკავშირი არსებულ პროექტთან დაკავშირებით, თუ როგორ გამოვიყენო ტექნოლოგიები ადეკვატურად.
გავითავისე უკუკავშირის მეთოდები, რაც მომავალში დამეხმარება ჩემი კოლეგების შეფასებაში. გავეცანი საინტერესო დაწყვილების მეთოდებს, რომელიც მრავალ სიტუაციაში შეიძლება გამოვიყენო.
ვფიქრობ უკუკავშირი აუცილებელია ნებისმიერი პროექტის გაკეთების დროს. მას სარგებელი მოაქვს როგორც პროექტის ავტორისთვის, ისე შემფასებლისთვის.

დღეს განვიხილეთ განმავითარებელი შეფასება, დროში გაწერილი შეფასების გეგმა.  ეს გეგმა დამეხმარება განვსაზღრო შეფასების მეთოდები და ინსტრუმენტები.  განვსაზღვრავ პროექტის მონიტორინგის ეტაპებს; ასევე განვსაზღვრავ მოსწავლეთა სწავლის სწორი მიმართულების მიმცემ სტრატეგიებს.